Rev 7 | GbrGAW | STEP | Ma gye a Malaika ngun anyi n gni agni zhin n anyi abwakwonu n gun anyi, ɓai hana n esei ge kwo to cin n na anyi, n na bai kwo fintolo ta shan-shan, a nuwanyi to ɓei ci aɓon, ɓa ku wo pi-pi-pi.

Revelation of John 7

Shekwoyi Bara Gaiciya Nya

1 Ma gye a Malaika ngun anyi n gni agni zhin n anyi abwakwonu n gun anyi, ɓai hana n esei ge kwo to cin n na anyi, n na bai kwo fintolo ta shan-shan, a nuwanyi to ɓei ci aɓon, ɓa ku wo pi-pi-pi. 2 Ma gye malaika do woi gmi n nyipyeyi kpe bwa, n Hatimi Yakwo Shekwoyi wye-wyeyi danya yi shi. Wa sawyi dna a malaika yi ngun anyi n na ɓei gaba iko ɓa ga anyi n na anuwan yakwoi nyasan nyi. 3 “Lakmi, to zhin nyaho kpan, to ga ekni, kwo anuwan yakwo, kwo a shinwan nyasa, sai yila Shekwoyi Hatimi tu n wo abara nyikunmi.”

4 – 5 – 6 – 7 – 8 ^{▼▼The text of verses 4-Rev 7:8 has been merged.}Aza ngun a kniyi nu ɓei bwa hatimi yeʼa? Mawo oɓa begye, 144,000 n Israila abye awo cei aba vinya.

Yahuda 12,000 dubu awocei aba,
Reuben 12,000 dubu awocei aba,
Gad 12,000 dubu awocei aba,
Asher 12,000 dubu awocei aba,
Naftali 12,000 dubu awocei aba,
Manase 12,000 dubu awocei aba,
Simeon 12,000 dubu awocei aba,
Lawi 12,000 dubu awocei aba,
Issakari 12,000 dubu awocei aba,
Zebulun 12,000 dubu awocei aba,
Yusufu 12,000 awocei aba,
Banyami 12,000 dubu awocei aba.
9 Ndeye avun ma gye aza begye, n na ata mi aba ɓan n na abye vinya, n akniyi, n na nyitalai n gni agni zhin n esu-shinkpegye abye n kugyai, n na aje buyi kpe, n na a zunyi bwala yi shi n ɓa akun. 10 Ɓai sa ewyi n kalai, “Gni-gni gmi n eyi Shekwoyi abanu n wo tu n esu shinkpegye nyi n kugyayi.”

11 Nsai amalaika vinya ɓa yezhi ɓai shegun esu-shinkpegye n na a tukwodayi n awye-wyeyi dayi ɓai yazhi ɓai ga Shekwoyi mwa-mwa. 12 Ɓai ci ge, “Amin, anabarka, mwa-mwa, ɓeyekpe, godiya, latu, Ikoyi, n kalayi zhin eyi Shekwoyi nyanu Nyalo-nyalo. Amin.”

13 Nnavun zaknayi n na a Tukwodayi shiba cei anyi ho, wa nyami ge, “Ho kpe azayelo nɓanyi nɓa n na aje bui kpenyi, n na abai nɓa kun?”

14 Maci ge, Awo, Shekwo Mwasa, mi gyiho wye, ha gnami. “Aza nyi n ɓa kun n wahala Dnagmayi, ɓala oɓa aje zhanya n bui-bui fi n kugya ami. 15 Cenu zhin ɓai zhi n Shekwoyi Esu-shinkpegye abye, ɓai zhinwo tnu-tnu n sukwoyi n nyipye dna n wo aduwa-nyakun. Oza nwo sasetu n Esu-shinkpeye nyi woɓa tuɓa ofun. 16 Mikun ta shan ɓa gun, kwo nuwan mikun, nyipyeyi ta shan ɓa won. 17 Gama kugya n wo gni n esushinkpegye abye nyi, wo ɓa gaɓa nyagyi, wa knaɓa wa lo nɓai n Nuwan wye-wyeyi nya aba. Shekwoyi ɓa wunɓa awyenyi ya vinya.”